Operation Epic Fury (16)
အီရန်ရဲ့ Supreme Leader အသစ် အသက် ၅၆နှစ်ရှိ မော့ချ်တာဘာဟာ ခြေထောက်ကျိုးကြေ၊ ဘယ်မျက်ကွင်းအညိုအမဲ စွဲပြီး မျက်နှာမှာ ပြတ်ရှဒဏ်ရာတွေနဲ့ ပုန်းအောင်းနေလင့်ကစား အစိုးရမီဒီယာတွေကတော့ သူဟာ လက်ကျန်အစိုးရကို ဦးဆောင်နေပြီ လို့ ဖော်ပြကြပါတယ်။ သူက လူရှေ့ကို မထွက်တော့တာ စစ်ဆင်ရေးအစ သူ့ဖခင်ဆုံးပြီးကတဲက ဖြစ်ပြီး သူ့သံအမတ်ကြီးက သူဘာလို့ လူမြင်ကွင်းက ပျောက်နေတယ်ဆိုတာကို ပြောချင်ပုံမရဘူးလို့ ဆိုပါတယ်။ သမ္မတထရမ့်ကတော့ အမေရိကန်ထောက်ခံတဲ့သူမဟုတ်ရင် သက်ဆိုး ရှည်မှာမဟုတ်ဘူးလို့ သတိပေးထားပါတယ်။ အီရန်လက်ကျန်အစိုးရမှာ ရှင်းလင်းဖို့ အလှည့်ကျလာသူ ၄ဦးရဲ့ အမည်တွေ ထွက်လာပြီဖြစ်ပါတယ်။ ပြည်သူတွေက အမာလိုင်းသမား Saeed Jalili နဲ့ရဲချုပ် Ahmad Reza Radan တို့ကိုပါ အဲဒီစာရင်းထဲ ထပ်မံဖြည့်စွက်စေချင်နေကြပါတယ်။ အီရန်က အိုမန်နိုင်ငံ…
Operation Epic Fury (15)
စစ်ဆင်ရေးပထမရက်မှာ Minab မြို့က မိန်းကလေးမူလတန်းကျောင်းကို ဒုံးကျည်ထိမှန်ခဲ့တာမှာ ကျောင်းသူနဲ့ ဆရာ/မပေါင်း ၁၆၅ဦးကျော် သေဆုံးခဲ့ပါတယ်။ အီရန်နဲ့ ဘက်တော်သားများက အမေရိကန်နဲ့ အစ္စရေးရဲ့ Tomahawk ပါဆိုပြီး ချက်ချင်းအပြစ်ဖို့ခဲ့ပါတယ်။ ဗီဒီယိုမှတ်တမ်းတွေနဲ့ ဗုံးကျတဲ့ နေရာကို သုံးသပ်ချက်တွေအရ ပေါက်ကွဲခဲ့တဲ့လက်နက်ဟာ အီရန်ရဲ့ KH-55 ခရုဇ်ဒုံးကျည် ပုံစံမျိုးဖြစ်နေတာ တွေ့ရပြီး အဲဒီကျောင်းဟာလည်း IRGC ရေတပ်စခန်းတခုနဲ့ ကပ်လျက်ရှိနေတာ ဖြစ်တော့ အမေရိကန်ဘက်က တိုက်ခိုက်တဲ့အချိန်မှာ သူတို့ဘက်က ပြန်ပစ်ရင်း မတော်တဆ အနားမှာ ကျသွားတာကို အမေရိကန်ပစ်တာလို့ ပုံမှားရိုက်လိုက်တာလို့ ယူဆနေကြပါတယ်။ အလီခါမေနီနဲ့ နီးစပ်သူဖြစ်တဲ့ IRGC နဲ့ ပုံမှန်စစ်တပ်ကြား ပူးပေါင်းဆောင်ရွက်မှုတွေကို ကြီးကြပ်ရတဲ့ အကြီးတန်းကွန်မန်ဒါတဦးဖြစ်သူ ဗိုလ်ချုပ် Ali Abdollahi Aliabadi ဟာ အမေရိကန်နဲ့…
Operation Epic Fury (14)
အီရန်က Supreme Leader အသစ်အဖြစ် အရင်ကသတင်းပြေးနေတဲ့ အလီခါမေနီရဲ့သား မော့ချ်တာဘာ ကို ဆူပရင်းမ်ကောင်စီက ရွေးချယ်လိုက်ကြောင်း တရားဝင်ကြေငြာသွားပါတယ်။ မော့ချ်တာဘာဟာ သူ့ဖခင်ထက်ပိုပြီး တင်းမာသူတဦးလို့ ဆိုကြပေမယ့် အခုအခါမှာတော့ ဒဏ်ရာရရှိထားပြီး နောက်ထပ် သုတ်သင်မခံရအောင် နေရာခဏခဏ ရွှေ့ပြောင်းနေရတယ်လို့ သိရပါတယ်။ အတည်မပြုနိုင်တဲ့ သတင်းတခုမှာ သူဟာ ခြေတဖက် ဆုံးရှုံးခဲ့တယ်လို့ ဆိုပြီး နောက်တခုမှာတော့ သူဟာ သူ့ဖခင်၊ မိခင်၊ ဇနီး၊ တဦးတည်းသောသား၊ နှမ၊ ယောက်ဖ၊ တူ/တူမတွေအားလုံးလိုပဲ တိုက်ခိုက်မှုမှာ သေဆုံးသွားခဲ့ပြီလို့ ဆိုပါတယ်။ မရှိတော့တဲ့သူကို တင်ထားခြင်းဖြင့် အမေရိကန်နဲ့ အစ္စရေးကို အရူးလုပ်ရင်း အချိန်ဆွဲတာလည်း ဖြစ်နိုင်ကြောင်း ထင်ကြေးပေးနေကြပါတယ်။ ခါမေနီတို့ မိသားစုပိုင်ဆိုင်မှုဟာ ၉၅-၂၀၀ ဘီလီယံ ဆိုတော့ ဗြိတိန်က တော်ဝင်မိသားစုတွေရဲ့…
Operation Epic Fury (13)
မနေ့က ရှင်းလင်းတဲ့ထဲ ပါသွားတယ်ဆိုတဲ့ အလီခါမေနီရဲ့သား Mojtaba Khamenei ဟာ မသေသေးပဲ ဒဏ်ရာရသွားတာဖြစ်ကြောင်း အစ္စရေးအရာရှိတွေက ဆိုပါတယ်။ ရှိနေသေးတယ်ဆိုတော့လည်း ရှင်းရဦးမယ့်သဘောပါပဲ။ တခြားပစ်မှတ်တွေဖက် လှည့်မလာအောင် လှည့်စားနေတာများလားလို့ ထင်စရာဖြစ်နေပါတယ်။ အီရန် ပြည်တွင်း အတိုက်အခံတွေက ထောက်လှမ်းရေး ဒုဝက Haji Akbar Ghaffari သုတ်သင် ရှင်းလင်းတဲ့ထဲ ပါသွားပြီလို့ ရေးကြပေမယ့် အစ္စရေးသတင်းတွေက အတည်ပြု ထားတဲ့ထဲမှာ အစ္စရေးကိစ္စ ဒုဝက၊ သူလျိုဌာနအကြီးအကဲတို့ ပါသွားတာပဲ တွေ့ရပါသေးတယ်။ IRGC Quds Force ရဲ့ commander ဗိုလ်ချုပ် Esmail Qaani ဟာ အစ္စရေးရဲ့ တိုက်ခိုက်မှုတွေကို သိုးကာသီကာ လွတ်ခဲ့တာ ဒီနှစ်ထဲမှ မဟုတ်ပါဘူး။ ၂၀၂၅ အီရန်နဲ့ အစ္စရေး…
Operation Epic Fury (12)
အယာတိုလာအသစ်အဖြစ် မကြာသေးမီကမှ ရွေးချယ်ခံထားရတဲ့ Mojtaba Khamenei ကို ရာထူးခန့်အပ်ပြီး နာရီပိုင်းအတွင်းမှာပဲ ရှင်းလင်းသုတ်သင်ခဲ့ပြီဆိုတဲ့ သတင်းတက်လာပါတယ်။ ဒီသတင်းမှန်ရင် စစ်ဆင်ရေးမှာ သုတ်သင်ခံရတဲ့ အယာတိုလာ ၃ဦးရှိသွားပါပြီ။ Mojtaba ဟာ အရင်ကလည်း သုတ်သင်ခံရတယ်လို့ သတင်းထွက်လာပြီးနောက် လစ်ဗြဲမီဒီယာများက ရှိပါသေးတယ် ပုန်းနေတာပါလို့ ဖြေရှင်းခဲ့ကြပါတယ်။ ပြီးတော့မှ ရွေးချယ်ခံရတယ်ဆိုတဲ့ သတင်း ထပ်ထွက်လာတာပါ။ ဒါပေမယ့် ဘယ်သူ့ကိုမှ ရုပ်ထွက်ပြတာမရှိတော့ အစစ်အမှန်က ဘာဆိုတာ မသိနိုင်သေးပါဘူး။ နောက်တယောက်ကို ရွေးရင်လည်း ထပ်သုတ်သင်ခံရဦးမှာပဲဆိုတာက သေချာနေတော့ ဒီပုံနဲ့ အာဏာကို ဘယ်လိုများ ဆက်ပြီး ဖက်တွယ်ထားကြဦးမှာပါလဲ။ ခါမေနီက သေဆုံးတဲ့အချိန်မှာ ဘန်ကာထဲမှာ ရှိနေတာမဟုတ်ပဲ သူ့နေအိမ်ဝင်းထဲမှာ ရှိနေခဲ့တာလို့ တွေ့ရှိလာရပါတယ်။ Weekend လည်းဖြစ်၊ အမေရိကန်က ညဖက်စတိုက်လေ့ရှိတာကြောင့် အိမ်မှာ…
Operation Epic Fury (11)
အီရန် Supreme Committee က အလီခါမေနီရဲ့သား Mojtaba Khamenei ကို အယာတိုလာအဖြစ် ရွေးချယ်ခဲ့တဲ့အပေါ် သမ္မတထရမ့်က “သူတို့က အချိန်ဖြုန်းနေတာပဲ၊ ခါမေနီသားက အဖြစ်ရှိတဲ့သူမှ မဟုတ်တာ၊ သူက ငြိမ်းချမ်းရေးနဲ့ ညီညွတ်ရေးကို ဆောင်ကျဥ်းပေးမယ့်သူ မဟုတ်လို့ ငါလက်မခံနိုင်ဘူး၊ ” လို့ မှတ်ချက်ပေးသွားပါတယ်။ အသက် ၅၆နှစ်ရှိ Mojtaba က ကျားကိစ္စ ပြဿနာရှိလို့ ဆေးရုံ ၄ကြိမ် တက်ထားရတဲ့သူပါ။ ထရမ့်က ငါနဲ့ အရင်မတိုင်ပင်ပဲနဲ့ အီရန်မှာ ဘယ်သူမှ တက်လို့မရဘူးလို့ ပြောထားပါတယ်။ သူမီးစိမ်းပြလို့ တက်ပြီးမှ ဂကျိုးဂကြောင်လုပ်ရင် ၅နှစ်အတွင်း ပြန်လာတိုက်မယ်လို့ ပြောထားတာပါ။ မဒူရိုတုန်းကလည်း ဒုသမ္မတက ထရမ့်အစိုးရကို ဩဇာခံမယ်၊ နိုင်ငံရေးအကျဥ်းသားတွေ လွှတ်မယ်၊ ရေနံကို အမေရိကန်က…
Operation Epic Fury (10)
အီရန်ဖရီးဂိတ်တစီးက သီရိလင်္ကာအလွန် အိန္ဒိယသမုဒ္ဒရာက နိုင်ငံတကာရေပြင်မှာ လုံခြုံလှပြီအထင်နဲ့ သွားပုန်းနေပါတယ်။ သူ့အသက် သိပ်တန်ဖိုးထားတဲ့ ခါမေနီကိုတောင် ဘယ်အချိန် ရေအိမ်တက်တာက အစ အတိအကျသိနေတဲ့ အမေရိကန်တွေက မတ်လ ၄ရက်နေ့မှာ ရေငုပ်သင်္ဘောလွှတ်ပြီး Mk-48 တော်ပီဒိုတလုံးတည်းနဲ့ အသံတိတ်ကျွေးလိုက်တော့မှ သူလည်း သူ့ညီအကိုတွေလိုပဲ ပင်လယ်ကြမ်းပြင်မှာ ထာဝရ အနားယူ ရပါတော့တယ်။ WWII နောက်ပိုင်း ပထမဆုံးအကြိမ် တော်ပီဒို ကို အသုံးပြုတာဖြစ်ပါတယ်။ တာဝေးပစ်ဒုံးကျည်တွေ၊ ဒရုန်းတွေ တင်ဆောင်ထားတဲ့ IRGC ရဲ့ Soleimani class Shahid Sayyad Shirazi စစ်သင်္ဘောဟာလည်း ပါးရှန်းပင်လယ်ကွေ့က ဘန်ဒါအာဘတ်စ်ဆိပ်ကမ်းနားမှာ နစ်မြှုပ်ခံလိုက်ရတဲ့အတွက် နစ်မြှုပ်ခံရတဲ့ အီရန်စစ်သင်္ဘောပေါင်း ၂၀ကျော်သွားပြီလို့ CENTCOM က အတည်ပြုသွားပါတယ်။ ကနေ့ အစ္စရေးလေတပ်က F-35I…
Operation Epic Fury (9)
သမ္မတထရမ့်က လှိုင်းအကြီးစားလာမယ်လို့ ပြောထားသလိုပဲ အစ္စရေးလေတပ်က အီရန်ထဲကို ပြင်းပြင်းထန်ထန်တိုက်ခိုက်မှုလှိုင်းအသစ် စတင်လိုက်ပြီလို့ ကြေငြာသွားပါတယ်။ US ကလည်း B-2 ကိုယ်ပျောက်ဗုံးကြဲလေယာဥ်တွေနဲ့ အီရန်တလွှားက IRGC command and control နေရာတွေ၊ လက်နက်တိုက်တွေ၊ ဒုံးကျည်တပ်ဆင်တဲ့ စက်ရုံတွေ စတဲ့ပစ်မှတ်တွေကို ဗုံးမိုးရွာပေးနေပါပြီ။ B-2 ကို သုံးရတဲ့အကြောင်းက အီရန်ရဲ့ ပဲ့ထိန်းဒုံးကျည်ထုတ်လုပ်/တပ်ဆင်/သိုလှောင် စတဲ့နေရာတွေက သံကူ ကွန်ကရစ်လို အမာခံပစ္စည်းတွေနဲ့ ဆောက်ထားတာဖြစ်လို့ ထိုးဖောက်အားကောင်းပြီး အထဲရောက်မှ ပေါက်ကွဲစေတဲ့ bunker-buster ဗုံးတွေ သုံးရတာကြောင့်ဖြစ်ပါတယ်။ ဒါ့အပြင် ကန်လေတပ်က long-range subsonic jet-powered strategic bomber ဖြစ်တဲ့ ဗုံးပေါင်ချိန် ၇သောင်းအထိ တင်ဆောင်နိုင်ပြီး မိုင် ၈၈၀၀ ကို ဆီထပ်ဖြည့်စရာမလိုပဲ တိတ်တိတ်…
Operation Epic Fury (8)
ဆော်ဒီနိုင်ငံ ရီယာ့ဒ်မြို့က အမေရိကန်သံရုံးကို အီရန်ဒရုန်း ၂ခု ထိမှန်ခဲ့တဲ့အတွက် တချို့နေရာတွေ မီးလောင်ခဲ့ပြီး အပျက်အစီးအချို့ ရှိခဲ့ပြီး ဆော်ဒီရောက် အမေရိကန်နိုင်ငံသားတွေကို အပြင်မထွက်ဖို့ ညွှန်ကြားထားပါတယ်။ ဒီကိစ္စနဲ့ပတ်သက်ပြီး နယူးစ်နေရှင်းက Kellie Meyer က သမ္မတနဲ့ ဆက်သွယ် ပြောဆိုရာမှာ သမ္မတက သံရုံးကို ပစ်တဲ့အတွက်ရော အမေရိကန်စစ်သားတွေ သေဆုံးရတဲ့အတွက်ပါ လက်တုန့်ပြန်မယ်၊ စောင့်ကြည့်ပါလို့ ပြောသွားကြောင်း တင်ပြထားပါတယ်။ အီရန်ဟာ တရုတ်နဲ့ ရုရှားနည်းပညာတွေနဲ့ ထုတ်လုပ်တပ်ဆင်ထားတဲ့ အလွှာလိုက်အလုပ်လုပ်တဲ့ လေကြောင်းကာကွယ်ရေးကွန်ယက်ကို အသုံးပြုပါတယ်။ အပြင်ဖက်ကာကွယ်ရေးစည်းဝိုင်းကို တရုတ်လုပ် တာဝေးပစ် HQ-9B ဒုံးကျည်စနစ်နဲ့ တပ်ဆင်ကာကွယ်ထားပြီး အဲဒီစနစ် ၂ခုစလုံးဟာ ပွဲအဖွင့်မှာတင် သုံးမရအောင် သင်းသပ်ခံလိုက်ရတာပါ။ ဗင်နီဇွဲလားတုန်းကလည်း အဲဒီလိုပါပဲ။ HQ-9B က ၂၆၀ကီလိုမီတာအထိ သက်ရောက်မှုရှိပြီး…
Operation Epic Fury (7)
ဒီစစ်ဆင်ရေးရဲ့ အဓိကရည်မှန်းချက်တခုဖြစ်တဲ့ အီရန်ရေတပ်ကို ဖျက်ဆီးဖို့ကိစ္စ အထမြောက်ခဲ့ပြီလို့ CENTCOM က ကြေငြာသွားပါတယ်။ အိုမန်ပင်လယ်ကွေ့မှာ အထိုင်ချပြီး ပင်လယ်ရေကြောင်း သွားလာမှုတွေကို ၄၇နှစ်ကြာ နှောက်ယှက်ဒုက္ခပေးနေခဲ့တဲ့ အီရန်ရေတပ်က ပင်လယ်ကြမ်းပြင်မှာ ထာဝရ အနားယူသွားပြီဖြစ်ပါတယ်။ ဒရုန်းတင်စစ်ရေယာဥ် Shahid Bagheri အပါအဝင် ရေပြင်ပေါ်မှာ တစီးမှကို မကျန်တော့ပါဘူး။ ပြီးခဲ့တဲ့ ၂ရက်ကတင် အိုမန်ပင်လယ်ကွေ့မှာ အီရန်စစ်သင်္ဘော ၁၁စီးရှိနေခဲ့သေးတာပါ။ အီရန်ဘက်ကတော့ ဟော်မုဇ်ကိုပိတ်ထားဆဲဖြစ်ပြီး ဖြတ်သန်းသွားလာရင် အပစ်ခံရမယ်လို့ ကျုံးဝါးနေဆဲဖြစ်ပါတယ်။ ဟော်မုဇ်ရေလက်ကြားက ပါးရှန်းပင်လယ်ကွေ့နဲ့ အာရေဗျပင်လယ်ကို ဆက်ထားတာပါ။ အီရန်စစ်သင်္ဘောတွေက ဖြတ်သွားတဲ့ရေနံတင် သင်္ဘောတွေကို အနုကြမ်းစီး၊ ကုန်သင်္ဘောတွေကို နှောက်ယှက်နဲ့ ကမ္ဘာစီးပွားရေးကို ခြိမ်းခြောက် နေခဲ့တာ ဖြစ်ပါတယ်။ အီရန်ရေတပ်ကို ဖျက်ဆီးလိုက်ခြင်းဖြင့် ကမ္ဘာ့ supply chain choke…
Something went wrong. Please refresh the page and/or try again.
Follow My Blog
Get new content delivered directly to your inbox.
Omma's Notes 