Author Archives: Omma

ဟေလာရီက အင်တာဗျူးတွေပေးတာ စိတ်လာတဲ့အပြင် ခုဖြစ်နေတဲ့ ငွေဖောင်းပွမှုနဲ့ စီးပွားရေးပြဿနာတွေကို ပါတီတွင်းက အေအိုစီတို့လို လက်ဝဲစွန်းတွေပေါ် ပုံချလိုက်တာနဲ့ ပတ်သက်ပြီး ကလင်တန်ရဲ့ အကြံပေးအဖြစ် နှစ်ပေါင်းများစွာလုပ်ခဲ့ပြီး ထရမ့်ကိုပါ အကြံပေးအဖြစ် ကူညီခဲ့တဲ့ ဒစ်ခ်မောရစ်စ်ကို နယူးမက်စ်တီဗီက ဆက်သွယ်မေးမြန်းထားပါတယ်။ မောရစ်စ်က ဟေလာရီနဲ့ပတ်သက်ပြီး ပြောစရာရှိတာက သူသမ္မတပြိုင်မလားလို့ သိချင်ရင် သူနှလုံးခုံနေသေးလား ကြည့်လိုက်၊ အသက်ရှုနေသေး(သို့) နှလုံးခုံနေသေးတယ်ဆိုရင် ပြိုင်ဖို့များတယ်လို့ ဆိုပါတယ်။ ၂၀၂၁ နိုဝင်ဘာရွေးကောက်ပွဲရလာဒ်တွေအရ ဒီမိုကရက်တွေ အခြေအနေမကောင်းနိုင်တာရော နောက်နှစ်ခါကြားဖြတ်ရွေးကောက်ပွဲပြီးရင် ထပ်မပြိုင်တော့ပဲ အနားယူကြမယ့် အမတ်တွေ များလာတာရောအပေါ်မှာ ဟေလာရီက လက်ဝဲစွန်းတွေကို အပြစ်ပုံချခြင်းဖြင့် ၂၀၂၀ ရွေးကောက်ပွဲမတိုင်ခင်က ဘိုင်ဒန်ကို ပုံဖော်ခဲ့သလိုပဲ အလယ်အလတ်သမားဆိုပြီး အထင်ရောက်စေချင်တာ ဖြစ်နိုင်ပါတယ်။ အမှန်က ခြစားတဲ့သူမှာ ဘာမူမှ မရှိဘူးဆိုတာကို မမေ့ကြဖို့Continue reading “ဇန်နဝါရီ ၄ ရက် ၂၀၂၂”

မြေပုံပေါ်မှာ အစိမ်းရောင်နဲ့က ငှက်ဖျားဆေးကို ကိုဗစ်ကုသရာမှာ သုံးတဲ့နိုင်ငံတွေပါ။ အောင်လည်း အောင်မြင်ပါတယ်။ ဖြစ်စမှာပေးမိဖို့ပဲ လိုတာပါ။ အမေရိကန်ကတော့ ငှက်ဖျားဆေးကို ဆေးရုံမှာပဲ သုံးရမယ်လို့ ကန့်သတ်ထားပါတယ်။ ဆေးရုံရောက်လာတဲ့အဆင့်က မရှူနိုင်မကယ်နိုင်မှ ရောက်လာကြတာများတော့ ယောင်ကိုင်းခြင်းမုန်တိုင်းတွေ ပြင်းထန်နေမှာဖြစ်လို့ ငှက်ဖျားဆေးနဲ့ နိုင်အောင်ကုဖို့ မလွယ်ပါဘူး။ အမေရိကန်မှာ ငှက်ဖျားဆေးပေးတဲ့ဆရာန်တွေက အရေးယူ/ခြိမ်းခြောက်/အလုပ်ဖြုတ်ခံကြရပါတယ်။ ဒီမှာက လူများစုမှာ လစဥ် အိမ်ဖိုး ကားဖိုး ရေဖိုး မီးဖိုး စတာတွေ မဖြစ်မနေ ပေးနေရတဲ့အပြင် ကိုယ့်မိသားစုအသက်လည်း မဟုတ်ကြတော့ ကဏ္ဍကောစမလုပ်ပဲ သည်းခံလိုက်ကြတာ များပါတယ်။ အမေရိကန်ကို လိုက်အတုခိုးတဲ့နိုင်ငံတွေမှာ ကနေဒါ၊ ယူကေ၊ ဩစတျေးလျတို့ ပါဝင်ပါတယ်။ ငှက်ဖျားဆေးက တကမ္ဘာလုံးမှာ များသောအားဖြင့် ဆရာဝန်လက်မှတ်မလိုပဲ လွယ်လွယ်ကူကူ ဝယ်လို့ရတဲ့ဆေးပါ။ ပြဿနာက အဲဒီလို ပေါများချိုသာတဲ့ဆေးတွေနဲ့Continue reading “ကိုဗစ်နဲ့ ပရိယာယ်”

တရုပ်ကပ်ပိုးလူနာတွေကို လူအိုရုံတွေပို့ဖို့ အမိန့်ချခဲ့လို့ လူအိုတွေ သောင်းကျော် သေဆုံးခဲ့ရတဲ့အပေါ် မန်ဟက်တန်ခရိုင်ရှေ့နေက ဂါဗာနာဟောင်း ကိုမိုကို အမှုပိတ်ပြီး လွှတ်ပေးလိုက်ပါတယ်။ သေချာစစ်ဆေးပြီးတဲ့နောက် ဘာဥပဒေချိုးဖောက်ထားတာကိုမှ မတွေ့ဘူးလို့ ဆိုပါတယ်။ ဒီလိုသာဆိုရင် ကိုယ်ခံအားနည်း ကူးရင်လည်း ခံနိုင်ရည်မရှိမှာ သေချာသလောက်ဖြစ်နေတဲ့ လူအိုတွေကြားထဲကို ကပ်ပိုးလူနာတွေ သွားထည့်တဲ့ အမိန့်ကိုယ်တိုင်က အခြေခံလူသားကျင့်ဝတ်နဲ့ မညီသလို အကြံဆိုးနဲ့မဟုတ်ပါဘူးဆိုရင်တောင် ရက်စက်လွန်းရာ ကျနေတာပါ။ အပြာမြို့ကြီးတွေက ဒီအေတွေက ပုံမှန်အားဖြင့် ဆိုရော့စ်တို့ တင်ပေးထားတဲ့လူတွေ ကမ္ဘာ့ရွာကို သွားချင်ကြတဲ့ လက်ဝဲစွန်းတွေ ဖြစ်တော့ ဘက်ချင်းတူတဲ့ ကိုမိုကို ချစ်သောမျက်စေ့နဲ့သာကြည့်ပြီး အပြစ်မမြင်မှာကတော့ သေချာနေပါတယ်။ ဒီနိုင်ငံမှာ လူအိုရုံထားတာ အကုန်အကျများတာတော့ တတ်နိုင်ဖို့ လိုအပ်တာအပြင် ယဥ်ကျေးမှုအရလည်း လူဖြူအဖိုးအဖွားတွေ များကြတာကြောင့် နိုင်ငံရေးမပါဘူးလို့တော့ ပြောဖို့ ခက်နေတာပါ။ သေတဲ့နံပါတ်များလေContinue reading “ဇန်နဝါရီ ၃ ရက် ၂၀၂၂”

အကျယ်အဝန်းအားဖြင့် ရှမ်းပြည်ထက်ငယ်ပြီး မြန်မာတပြည်လုံးလူဦးရေထက် ၃ဆကျော် များတဲ့ ဘင်္ဂလာဒေ့ရှ်နိုင်ငံဟာ လူဦးရေ သိပ်သည်းလွန်းပေမယ့် ကိုဗစ်ဒဏ်ကို ဆိုးဆိုးဝါးဝါး မခံခဲ့ရပါဘူး။ ဘာကြောင့်လဲဆိုတော့ ဘင်္ဂလားအစိုးရက ပြည်သူတွေကို 1% Povidone-Iodine နဲ့ နှာခေါင်းဖြန်း၊ ၁၅စက္ကန့်ကြာ အာလုပ်ကျင်းခိုင်းတာကြောင့် ဝင်လာတဲ့ ပိုးတွေက သေကုန်ပြီး ကိုယ်ထဲကို မရောက်တော့ဘူးလို့ ဆိုပါတယ်။ အဲဒါကြောင့် ဘင်္ဂလာဒေ့ရှ်နိုင်ငံက ဒယ်လ်တာမျိုးကွဲဒဏ်ကို မခံလိုက်ရပါဘူး။ 1% အိုင်အိုဒိုင်းက hyper thyroid ဖြစ်နေတဲ့လူနည်းစုကလွဲရင် ကျန်လူတွေမှာ စိတ်ချလက်ချ သုံးလို့ရတယ်လို့ သိရပါတယ်။ အဲဒီဆားရည်က anti-septic ဖြစ်တာကြောင့် ဗိုင်းရပ်စ်ပိုးတွေကို သေစေနိုင်တာ ဖြစ်ပါတယ်။ အာလုပ်ကျင်း နှာခေါင်းဆေးတာကို နေ့တိုင်းလို လုပ်နိုင်ပြီး အထူးသဖြင့် လူအများနဲ့ ထိတွေ့ထားရင် ပိုလုပ်သင့်ပါတယ်လို့ ပြည်သူ့ကျန်းမာရေးဆရာဝန်လည်းဖြစ် ကူးစက်နဲ့Continue reading “ဥမ္မာခင်နဲ့ ပညာရှင်များ အမြင်”

အမေရိကန်မှာ ကိုဗစ်လူနာတွေကို ငှက်ဖျားဆေးတို့ အီဗာမက်တင်တို့လို လွယ်လွယ်ရပြီး ဈေးချိုတဲ့အပြင် ကိုဗစ်လူနာတွေရဲ့ အဓိက ပြဿနာဖြစ်တဲ့ ဆဲလ်တွင်း ယောင်ယမ်းမှုကို အောင်အောင်မြင်မြင် ကုသနိုင်တဲ့ ဆေးတွေကို ဒီမိုကရက်ပြည်နယ်အစိုးရတွေက ဘာကြောင့် မပေးဖို့ ပိတ်ပင်နေကြသလဲ ဆိုတာနဲ့ ကိုဗစ်နဲ့ ပတ်သက်တဲ့ ကာကွယ်ဆေး၊ ကုသမှု၊ စတဲ့ ဒေတာတွေကို အရင်လို လစဥ် review လုပ် သုံးသပ်ဆွေးနွေးကြတဲ့ အစဥ်အလာကို မလုပ်တော့တဲ့အကြောင်းတွေကို လူနာတွေကို ကုသပေးနေတဲ့ ကူးစက်ရောဂါကုဆရာဝန် ဒေါက်တာ ပီတာ မက်ကူးလိုက American Thought Leader အစီအစဥ်မှာ Jan Jekielek နဲ့ ဆွေးနွေးထားပါတယ်။ ကိုဗစ်စကတဲက ဒီရောဂါက ကုလို့ရတဲ့ ရောဂါမဟုတ်ဘူးဆိုတဲ့ ပုံမျိုး မြင်လာအောင် တွန်းခဲ့ကြတဲ့အတွက် ကိုဗစ်ကြောင့် လူသေတာကိုContinue reading “ဒီဇင်ဘာ ၃၁ ရက် ၂၀၂၁”

အမေရိကန်မှာ ကိုဗစ်ကူးစက်မှုတွေ စံချိန်တင်ဖြစ်ပွားနေပေမဲ့ ဆေးရုံတင်ရနှုန်းနဲ့ သေဆုံးမှုနှုန်းတွေက ကူးစက်မှုနဲ့ယှဥ်ရင် တော်တော်နည်းပါးပါတယ်လို့ စီဒီစီက ထုတ်ပြန် ကြေငြာပါတယ်။ ကူးစက်မှုနှုန်းက လူဦးရေ သန်း ၃၃၄နီးပါးရှိတဲ့နိုင်ငံမှာ တနေ့ကို ၂၆၅,၀၀၀ ကူးစက်နေတယ်လို့ ဆိုပါတယ်။ အရင်ကအမြင့်ဆုံးနှုန်းက ၂၀၂၁ ဇန်နဝါရီလလယ်မှာ ၂၅၀,၀၀၀ ရှိခဲ့တာပါ။ အများဆုံးကူးစက်နေတာက အိုမီခရွန်ဖြစ်တော့ ရောဂါလက္ခဏာတွေကလည်း ပုံမှန်ကျန်းမာတဲ့လူတွေမှာ သိပ်ပြင်းထန်မှု မရှိကြပါဘူး။ စီဒီစီဒါရိုက်တာ Rochelle Walensky က တခြားနိုင်ငံတွေမှာ အိုမီခရွန်ကူးစက်သူများက ပိုပျော့တဲ့ လက္ခဏာများ ရှိကြပြီး အမေရိကန်မှာတော့ သက်ရောက်မှုအတိုင်းအတာကို ကျယ်ကျယ်ပြန့်ပြန့်သိရဖို့ စောသေးတယ်လို့ ဆိုပါတယ်။ ဖြစ်နိုင်တာက အမေရိကန်တွေမှာ ကိုယ်အလေးချိန် များတဲ့သူတွေနဲ့ အဲဒီကနေ ဆက်နွယ်တဲ့ ဆီးချို သွေးတိုး ယောင်ယမ်းတာတွေကြောင့်လို့ ထင်ပါတယ်။ ပင်ကိုယ်မကျန်းမာသူတွေက သာမာန်တုပ်ကွေးနဲ့တောင်Continue reading “ဇန်နဝါရီ ၃၀ ရက် ၂၀၂၁”

Congressional Accord 1963 FBI​ဝန်ထမ်းဟောင်းတဦးဖြစ်တဲ့ Willard Cleon Skousen က ထောက်လှမ်းရေးလုပ်ခဲ့တဲ့ အတွေ့အကြုံတွေပေါ်မှာ မူတည်ပြီး အမေရိကန်ကို ကွန်မြူနစ်တွေ ထိုးဖောက်လွှမ်းမိုးဖို့ ကြိုးစားနေတဲ့အကြာင်းကို ပြည်သူတွေ သိရှိနိုင်ဖို့ ၁၉၅၈မှာ The Nacked Communist အမည်နဲ့ စာအုပ်ကို ရေးသားထုတ်ဝေခဲ့ပါတယ်။ သူရေးခဲ့တဲ့ ကွန်မြူနစ်ရည်မှန်းချက် ၄၅ ချက်ကို ကွန်ဂရက်စ်မှာ အဲဒီတုန်းက ဖလော်ရီဒါမှ ဒီမိုကရက်အမတ် Mr. Albert Sydney Herlong Jr. က ဖတ်ကြားသွားခဲ့ပါတယ်။ Mr. Herlong က ၁၉၈၅ အစပိုင်းအထိ​ ဒီမိုကရက်ပါတီဝင်အဖြစ် ရှိနေခဲ့ပေမယ့် ၁၉၈၅ နှောင်းပိုင်းစပြီး သေဆုံးသည်အထိ ရီပါဘလစ်ကန်အဖြစ် ခံယူခဲ့ပါတယ်။ သူ့ကို အမေရိကန်တွေ ရင်ဆိုင်နေရတဲ့ ကွန်မြူနစ်အန္တရာယ်ကိုContinue reading “CURRENT COMMUNIST GOALS”

ကယ်လီဖိုးနီးယားက အပြာရင့်ပြည်နယ်ဆိုတော့ ပတ်ဝန်းကျင်ထိန်းသိမ်းဖို့ ဂရုစိုက်မယ်၊ နေ/လေစွမ်းအင်ကို အားပေးမယ်လို့ ထင်ထားသူများ ပြန်စဥ်းစားကြဖို့ နောက်လမှာ မဲခွဲဖို့ ရှိနေတာလေးကို တင်ပြပါမယ်။ ဘိုင်ဒန်တက်လာပြီး ဆီဈေးတွေ တက်အောင် ဆီပိုက်လိုင်းဆောက်တာတွေပိတ်ပစ်၊ တူးဖော်ခွင့်တွေ ကန့်သတ်/ရပ်ပစ်ခဲ့တဲ့အတွက် အတန်အသင့်တတ်နိုင်သူတွေက ဆိုလာကားတွေ ဝယ်စီးကြပါတယ်။ ဆိုလာကားရှိလာတဲ့အတွက် အိမ်မှာပဲ လွယ်လင့်တကူ အားဖြည့်ဖို့နဲ့ ဆိုလာကားမရှိခင်ကတောင် အရင်ထက် ၂ဆကျော်တက်လာတဲ့ မီတာခတွေကို လျော့ချဖို့ အိမ်တွေမှာ ဆိုလာစနစ်တပ်ဆင်ဖို့ လုပ်လာကြပါတယ်။ အရင်ကတော့ ဆိုလာကားဝယ်တဲ့လူတွေကို အခွန်သက်သာခွင့်အနည်းငယ်နဲ့ အမြန်လမ်းတွေမှာ toll မပေးရပဲ express lane ကနေ တဦးထဲ အခမဲ့မောင်းနှင်ခွင့် ရပါတယ်။ နောက်တော့ တဝက်ပေးရမယ်လို့ လျော့ချလိုက်ပါတယ်။ နောက်ဆိုရင် ရိုးရိုးကားနဲ့ ဘာမှ ထူးမပေးတော့တာမျိုး ဖြစ်လာပါလိမ့်မယ်။ (Express laneContinue reading “ကယ်လီဖိုးနီးယားနဲ့ ဆိုလာစနစ်”

နှစ်ပေါင်းအတော်ကြာ ကျင်းပခဲ့တဲ့ ခရစ်စမတ်ရာသီမှာ လက်ဆောင်ရနိုင်ခြေမရှိတဲ့ ကလေးငယ်ပေါင်း ၁၀၀ကျော်ကို ဒေသခံ ရဲမိသားစုတွေက ထည့်ဝင်ကြတဲ့ အလှူငွေေတွနဲ့ လက်ဆောင်လိုက်ဝယ်ပေးတဲ့ Shop With A Cop အစီအစဥ်ကို  Target Corporation က နှစ်စဥ် လက်ခံကျင်းပပေးနေခဲ့တာကနေ ဒီနှစ်မှာ ရပ်နားလိုက်တယ်လို့ ကော်ပိုရိတ်တားဂက်က ဆုံးဖြတ်ခဲ့ပါတယ်။ တားဂက်က လက်ခံကျင်းပပေးတယ်ဆိုပေမယ့် တားဂက်က ဘာမှအထူးတလည် ကုန်ကျတာမရှိပါဘူး။ ဖလော်ရီဒါက ဖလက်စတာကောင်တီမှာ ရဲမိသားစုတွေရဲ့ အလှူငွေနဲ့ ကလေးငယ် ၁၂၅ဦးကို တဦး $175 တန် gift card လေးတွေပေးပြီး သူတို့ကြိုက်တာ ဝယ်စေတာပါ။ ရဲတွေနဲ့ ကလေးတွေအတွက် ဈေးဝယ်ဖို့ အဆင်ပြေအောင် လုပ်ပေးရုံပါပဲ။ အခုလို ဆုံးဖြတ်လိုက်တော့ သူတို့အရောင်းပဲ လျော့သွားမှာပါ။ အဆိုပါအစီအစဥ်ကို ရပ်နားလိုက်တဲ့အကြောင်းရင်းကContinue reading “ဒီဇင်ဘာ ၂၅ ရက် ၂၀၂၁”

၂၀၂၀ ခုနှစ်အတွင်း အမေရိကန်မှာ အသက် ၁၈-၄၅ကြားတွေကို သတ်နေတဲ့ အဓိက တရားခံကတော့ ဖန်တနိုင်းလ်မူးယစ်ဆေးပဲဖြစ်တယ်လို့ စီဒီစီက ဒေတာတွေကို ကိုးကားပြီး စေတနာ့ဝန်ထမ်းအဖွဲ့တခုဖြစ်တဲ့ Families Against Fentanyl (FAF) ဆိုပါတယ်။ အဲဒီအသက်အပိုင်းအခြားတွေကို သတ်နေတဲ့ တခြားတရားခံတွေကတော့ ကိုယ့်ကိုယ်ကို အဆုံးစီရင်တာ၊ ကားမတော်တဆဖြစ်တာ၊ သေနတ်ကြောင့် သေတာတွေ ဖြစ်ပါတယ်။ ဖန်တနိုင်းလ်က လူလုပ်တဲ့ အိုပီရွိုက်ဖြစ်ပြီး မော်ဖင်းထက် အဆ ၅၀-၁၀၀ လောက် ပိုပြင်းရုံတင်မက အရမ်းစွဲစေ အရမ်းသေစေတတ်တာဖြစ်ပါတယ်။ သေနှုန်းများရတဲ့ အကြောင်းရင်းတခုက ဝယ်သုံးတဲ့သူတွေက သူတို့ဝယ်တဲ့ အကိုက်အခဲပျောက်ဆေးမှာ တရားမဝင်ထုတ်လုပ်ထားတဲ့ ဖန်တနိုင်းလ်တွေ ပါဝင်နေတာကြောင့် ၂ မီလီဂရမ်လောက်နဲ့ကို သေစေနိုင်နေတာဖြစ်ပါတယ်။ အဲဒါကိုကြည့်ရင် ဆေးလွန်သေတဲ့သူတွေက ဆေးစွဲနေသူတွေ၊ တာဝန်မဲ့သူတွေ၊ ဆေးသုံးရဖို့အသက်နဲ့ လဲမဲ့သူတွေလို့ ပြောလို့Continue reading “ဖန်တနိုင်းလ်”