Author Archives: Omma

ဆန်ဒီယေးဂိုးတောင်ဖက် မက္ကဆီကိုနယ်စပ် နယ်ခြားတံတိုင်းတိုင်တွေရဲ့ အဆုံးမှာ အနည်းငယ်ဟနေတဲ့ သံဆူးကြိုးကာထားတဲ့ နေရာကနေ ခိုးဝင်တွေ အလုံးအရင်းနဲ့ ဝင်လာနေကြပါတယ်။ တက္ကဆက်စ်မှာ တင်းကြပ်လိုက်တာကြောင့် ကယ်လီဖိုးနီးယားဘက်ကို အဝင်များလာတာ ဖြစ်နိုင်တဲ့အပြင် အပြာရင့် ကယ်လီဖိုးနီးယားမှာက တော်ရုံဝင်ငွေနဲ့ နိုင်ငံသားတောင် အခမဲ့မရတဲ့ ကျန်းမာရေးစောင့်ရှောက်မှုကို ခိုးဝင်တွေအတွက် အခမဲ့လို့ နူဆမ်က လုပ်ပေးလိုက်တဲ့အပြင် ယူစီလို အစိုးရတက္ကသိုလ် တက်ချင်ရင်လည်း တခြားပြည်နယ်ကလာသူတွေ၊ နိုင်ငံတကာကျောင်းသားတွေလို နယ်ခံမဟုတ်သူဈေးမပေးရပဲ ကယ်လီဖိုးနီးယားပြည်နယ်သူ/သားတွေအတွက် သတ်မှတ်ဈေးနဲ့ တက်ခွင့်ပြုဖို့ ဝင်ငွေနည်းထောက်ပံ့ကြေး၊ ဂရန့်၊ စကော်လာရှစ်မျိုးစုံကိုပါ လျောက်ထားခွင့်ပြုမယ်လို့ ဆိုပါတယ်။ အဲဒီလိုလုပ်တာဟာ ဥပဒေလိုက်နာသူများကို သောက်ပေါဖြစ်စေပြီး ဥပဒေချိုးဖောက်နိုင်မှ ချီးမြှောက်တာဖြစ်ပါတယ်။ နူဆမ်လက်ထက် $၉၅၀အောက်ပဲခိုးရင် ဖမ်းမရတာနဲ့၊ ကြမ်းတမ်းရာဇဝတ်မှု ကျူးလွန်သူတွေကိုတောင် အာမခံမလိုစေပဲ ပြန်လွှတ်ပေးရတာနဲ့ သဘောချင်း အတူတူပါပဲ။ ဒီမိုကရက်တွေရဲ့ ပေါ်လစီတွေဟာContinue reading “ဖေဖေါ်ဝါရီ ၇ ရက် ၂၀၂၄”

နယူးယောက်မြို့ဝန်အဲရစ်အဒမ်အစိုးရဟာ တရားမဝင်ဝင်ရောက်လာတဲ့သူတွေကို ဟိုတယ်တွေမှာ ထည့်ထားတဲ့အပြင် စားစရာဝယ်ဖို့အတွက် ၅၃သန်းတန်ဖိုးရှိတဲ့ ငွေထည့်ထားပြီးသားခရက်ဒစ်ကဒ် တွေကိုပါ စတင်ဖြန့်ဝေသွားမယ်လို့ ဆိုပါတယ်။ နယူးယောက်မြို့ကြီးမှာ စစ်မှုထမ်းဟောင်းတွေ အပါအဝင် နိုင်ငံသားအိမ်ယာမဲ့တွေ စာရင်းအရတောင် ၉သောင်းကျော်ရှိနေတာပါ။ အဲဒီလူတွေက ဟိုတယ်မရ၊ စားဖို့ခရက်ဒစ်ကဒ်မရပဲ ဥပဒေဖောက်ဖျက်ပြီး နိုင်ငံနဲ့ ပြည်သူကို ဒုက္ခပေးမယ့်သူတွေ ပါနေနိုင်တဲ့ ခိုးဝင်လာသူတွေက ဟိုတယ်မှာနေ စားဖို့ကဒ်နဲ့ဆိုတော့ တော်ရုံလွဲတာ မဟုတ်ပါဘူး။ မန်ဆာချူးဆက်ပြည်နယ် ဘော်စတွန်မှာလည်း ဂါဗာနာနဲ့ မြို့ဝန်က လူမည်းအများစုနေတဲ့ရပ်ကွက်က အားကစားရုံ/အပန်းဖြေအဆောက်အဦမှာ ခိုးဝင်၄၀၀အတွက် အိပ်စင်တွေ ကလေးကစားဖို့နေရာတွေနဲ့ နေရာချထားတဲ့အတွက် အဆိုပါရပ်ကွက်က ကလေး/လူငယ်တွေ စု/ဆုံပြီး အားကစားလုပ်လို့ မရကြတော့ပါဘူး။ ဂါဗာနာလူဖြူမကတော့ သူ့မှာရွေးစရာမရှိပါဘူးလို့ ဆိုပါတယ်။ အဂတိဂျိုးရဲ့ ရန်သူဖား မိတ်ဆွေ/ပြည်သူဖိပေါ်လစီကြောင့် အမေရိကန်ရဲ့ အစဥ်အလာ မဟာမိတ်တွေဖြစ်တဲ့ ဆော်ဒီ၊ ယူအေအီးနဲ့Continue reading “ဖေဖေါ်ဝါရီ ၂ ရက် ၂၀၂၄”

ဆီးရီးယားနယ်စပ် ဂျော်ဒန်အရှေ့မြောက်ဘက်မှာ အီရန်ထောက်ခံပေးထားတဲ့ ဟူသီသူပုန်တွေက ဒရုန်းနဲ့ ပစ်ခတ်လို့ အမေရိကန်တပ်သား ၃ဦးကျဆုံးပြီး အနည်းဆုံး ၁၂ဦးဒဏ်ရာရရှိခဲ့ပါတယ်။ ခုမှ အကျအဆုံးရှိပေမယ့် ပစ်နေတာ ကြာပြီဖြစ်သလို ဒဏ်ရာရထားသူတွေလည်း မနည်းပါဘူး။ အရင် ၂ပတ်လောက်က ဟူသီတွေဆီသွားတဲ့သင်္ဘောကို တက်ရှာတုန်းက အီရန်လုပ်ဒုံးကျည် အစိတ်အပိုင်းတွေ မိခဲ့ပေမယ့် အမေရိကန် နေဗီဆီးလ် နှစ်ဦး ပျောက်ဆုံးသွားခဲ့ပါသေးတယ်။ ဂျိုးအစိုးရက လက်စားချေမယ်ပြောပေမယ့် အမေရိကန်တပ်တွေကို စပစ်ကတဲက ပညာပေးထားခဲ့ရင် ခုလိုအနေအထားအထိ ဖြစ်လာစရာမရှိပါဘူး။ ဂျိုးရဲ့ လက်စားချေမယ်ဆိုတဲ့ ဟစ်လုံးကလည်း အင်ကြီးဆိုတာ အစ္စရေးကို နှစ်နိုင်ငံအဖြစ် အတင်းဖိအားပေးလက်ခံခိုင်းပြီး အစ္စရေးက လက်မခံတော့ ပါလက်စ်တိုင်းကို အချုပ်အချာအာဏာနိုင်ငံအဖြစ် လုပ်ပေးဖို့ ကြံနေကြတာကိုကြည့်ရင် သိနိုင်ပါတယ်။ ပါလက်စ်တိုင်းကို အချုပ်အခြာအာဏာပေးမယ်ဆိုတာက မဲရဖို့ ငါးစာချတဲ့လုပ်ရပ်တခုထက် မပိုပါဘူး။ နှစ်နိုင်ငံဆိုတာလည်း အကြိမ်ကြိမ်Continue reading “ဇန်နဝါရီ ၃၁ရက် ၂၀၂၄”

ဆွစ်ဇာလန်နိုင်ငံ ဒါဗို့စ်မှာ နှစ်တိုင်းလုပ်တဲ့ ကမ္ဘာ့စပရဖိုရမ်မှာ တက်ရောက်ကြသူများက ကမ္ဘာကြီးရဲ့ အနာဂတ်ကို တနည်းတဖုံ ပုံဖော်ပေးနေကြသူများလို့ ပြောလို့ရပါတယ်။ ကမ္ဘာတလွှားက အီလိကြီးများ တွေ့ဆုံပြီး ပျော်ကြ ပါးကြ ဇိမ်ခံကြ၊ အနာဂတ်ကို သူတို့စိတ်တိုင်းကျ ပုံဖော်ဖို့ တနှစ်တခါ ချိန်းတွေ့ကြတာပါ။ လာတဲ့ပုဂ္ဂိုလ်တွေကလည်း နိုင်ငံရေး၊ စီးပွားရေး၊ ဘဏ်လုပ်ငန်း၊ ရင်းနှီးမြှုပ်နှံမှု၊ တက်ခ်ကဏ္ဍ၊ စသဖြင့် အစားစားဖြစ်တော့ လာတဲ့သူတွေကို အဆင့်ခွဲခြားသတ်မှတ်ပြီး ဘယ်အဆင့်က ဘယ်နေရာတွေကို ဝင်ပျော်ပါးခွင့်ရှိတာဆိုတာကအစ ခွဲခြားထားတယ်လို့ သိရပါတယ်။ အနာဂတ်ကို ထုဆစ်ကြမယ့် ပုဂ္ဂိုလ်ကြီးများရဲ့ စကားဝိုင်းဆိုတော့ သူတို့ ဘာဉာဏ်နီဉာဏ်နက်တွေ ထုတ်နေသလဲဆိုတာ သိထားဖို့တော့ လိုပါမယ်။ တကယ်တော့လည်း သူတို့ပြောမှ မဟုတ်ပါဘူး၊ သဲလွန်စတွေက သတိထားကြည့်ရင် တွေ့နေတာပါပဲ။ အဲဒီမှာတော့ တစုတစည်းထဲ တနေရာထဲမှာ ပြောကြတာဆိုတော့Continue reading “ကမ္ဘာ့လက်မဲကြီးများ၏ဖိုရမ်”

အရီဇိုးနားဆီးနိတ်ရကပအတွက် ရီပါဘလစ်ကန်အနေနဲ့ ဝင်ပြိုင်မယ့် ကယ်ရီလိတ်ခ်ကို အရီဇိုးနားရီပါဘလစ်ကန်ပါတီဥက္ကဋ္ဌဂျက်ဖ်ဒီဝစ်က ဆက်သွယ်ပြီး ပါတီက အရာရှိကြီးတွေက ကယ်ရီကို ဝင်မပြိုင်စေဖို့ ညှိပါတယ်။ ဘယ်ကုမ္ပဏီကြီးမှာ ဘာရာထူး ဘယ်လောက်လခ လိုချင်သလဲ ပြော၊ ဝင်မပြိုင်ဖူးဆို လိုချင်တာရအောင် လုပ်ပေးမယ်၊ တသက်လုံးမပြိုင်ဖို့မဟုတ်ဘူး၊ ဒီတကြိမ်မပြိုင်ပဲ ခဏဆိုင်းထားဖို့ပါလို့ ဆိုပါတယ်။ ကယ်ရီက ဘယ်လောက်လဲ သန်းဂဏန်းမပြောနဲ့ ဘီလီယံနဲ့ချီလာပေးလည်း ငါနောက်မဆုတ်နိုင်ဘူး၊ ဒီတကြိမ်က တိုင်းပြည်အတွက် အရမ်းအရေးကြီးနေတော့ ဆိုင်းလည်း မဆိုင်းပေးနိုင်ဘူး၊ ငါက တိုင်းပြည်အတွက် ဒီလမ်းကို လျောက်လာတာ၊ ငါ့အရည်အချင်းကို အသိအမှတ်ပြုရင် ငါ့ကို ပါတီကိုယ်စားပြုခွင့်သာပေးလိုက်လို့ ပြန်ပြောခဲ့ပါတယ်။ တကယ်တော့ သူမကို ဆက်သွယ်ခဲ့တဲ့ ပြည်နယ်ရီပါဘလစ်ကန်ပါတီဥက္ကဋ္ဌဂျက်ဖ်ကို အဲဒီရာထူးရဖို့ ထရမ့်ရော ကယ်ရီလိတ်ခ်ရောက ထောက်ခံပေးထားရတာပါ။ အဲဒီလူက အခုလို လာဘ်ပေးဖို့ ကြိုးစားလာတဲ့အတွက် ရာထူးကContinue reading “Kari Lake rejects bribe”

ဂေါက်ရောဂါရှင်တွေအပါအဝင် လူအများ အသိအမှတ်မှားနေကြတဲ့ အကြောင်းလေးတွေနဲ့ ဘယ်လိုစားသောက်နေထိုင်ရင် အရှင်းပျောက်ကင်းနိုင်မလဲဆိုတာကို ဒေါက်တာကန်ဘယ်ရီက ရှင်းပြထားတာလေးကို စိတ်ဝင်စားမယ့်မိတ်ဆွေများအတွက် ပြန်ရေးပေးလိုက်ပါတယ်။ အမှတ်မှားနေကြတာတခုက အနီရောင်အသားတွေ အချို့ပင်လယ်စာတွေဟာ purine များတဲ့အတွက် ဂေါက်ရောဂါကို ဖြစ်စေတာရယ် နောက်တခုက ယူရစ်အက်ဆစ် မြင့်ရင် ဂေါက်အဆစ်နာ ဖြစ်တာကြောင့် ယူရစ်အက်ဆစ်ကို ထိန်းပေးဖို့ ဆေးပေးတာကလွဲလို့ လုံးဝအရှင်းပျောက်ကင်းဖို့ မဖြစ်နိုင်ဘူးဆိုတာရယ်ပါ။ အဲဒါတွေကလည်း ကိုလက်စထရောလိုပါပဲ၊ လူတွေယုံနေကြတာနဲ့ သိပ္ပံပညာတွေ့ရှိချက်တွေက ကွဲလွဲနေကြတဲ့အတွက် ပျောက်ကင်းမယ့်လမ်းက ဝေးနေကြတာပါ။ ခန္ဓာကိုယ်က ဆဲလ်တွေက ATP တို့ GTP တို့ကိုဖြိုခွဲပြီး စွမ်းအင်အဖြစ် အသုံးချတိုင်းသော်လည်းကောင်း DNA တို့ RNA တို့ကို ဖြိုခွဲပြီး စွမ်းအင်ထုတ်လျှင်သော်လည်းကောင်း ခန္ဓာကိုယ်က purine ထုတ်ပေးပါတယ်။ ဘယ်လောက်ထုတ်သလဲဆိုတော့ အစားအစာမှာ ပါတဲ့ပမာဏထက် အနည်းဆုံးContinue reading “ဂေါက်ရောဂါနဲ့ပတ်သက်တဲ့ အယူအမှတ်အလွဲများ”

ကမ္ဘာ့စီးပွားရေး တိုးတက်စေဖို့ဆိုတဲ့ ရည်ရွယ်ချက်နဲ့ ဖွဲ့စည်းတည်ထောင်ထားတဲ့  ကမ္ဘာ့စီးပွားရေးဖိုရမ် ဟာ လွန်ခဲ့တဲ့ ၁၀စုနှစ်တွေကစလို့ သမိုင်းစဥ်တလျောက် လူမှုစီးပွားရေးတိုးတက်စေခဲ့တဲ့ စနစ်၊ ဖြစ်စဥ်၊ သမိုင်းတွေကို မျက်ကွယ်ပြုပြီး အာဏာရှင်အားပေးတဲ့ လက်ဝဲအယူအဆတွေ တွန်းထဲ့လာတာ ကြာခဲ့ပါပြီ။ ဒီတကြိမ်မှာလည်း ဥက္ကဋ္ဌကြီး ကလော့စ်ရွှက်ဘ်က ထုံးစံအတိုင်း ကမ္ဘာကြီးက ဆက်သွယ်မှုတွေ ပိုများလာသလောက် ပိုပြီး ဒဗိုက်ဒက် ကွဲလာကြကြောင်း၊ စီးပွားရေးတွေက နှေးကွေးနေရတဲ့ကြားထဲ မညီမျှမှုတွေ၊ မရေရာမှုတွေနဲ့ ရင်ဆိုင်နေရတဲ့အပြင်၊ ကလိုင်းမိတ်ကြီးလည်း ချိန့်ပြီး အမြဲစိန်ခေါ်နေတာတွေက လူတွေကို အကြောက်တရားနဲ့ တကိုယ်ရည်အောင်မြင်မှု တွေဘက်ကို တွန်းပို့လိုက်သလိုပါပဲ၊ ဒါကြောင့် ငါတို့ဟာ အခြေခံကျကျ ပြုပြင်ပြောင်းလဲဖို့အတွက် တယောက်နဲ့ တယောက် ပိုပြီး ယုံကြည်မှုကို တည်ဆောက်ရမယ်၊ တယောက်ကောင်းဖို့ထက် အများကောင်းဖို့ကို ဦးတည်ရမယ်လို့ ပြောသွားပါတယ်။ အပေါ်ယံရှပ်ကြည့်မယ်ဆိုရင်Continue reading “ဇန်နဝါရီ ၁၉ရက် ၂၀၂၄”

လူတွေရဲ့ ရောဂါတွေကို သဘာဝနည်းနဲ့ ပြန်လည်ကောင်းမွန်အောင် ကုသပေးတဲ့ Naturopathy ဆရာဝန် Dr. Elizabeth Bright က အဆီနဲ့ အသားဓါတ်ဟာ အထူးသဖြင့် အရွယ်သုံးပါးသော အမျိုးသမီးတွေအတွက် အလွန်အရေးကြီးတဲ့ အခန်းကဏ္ဍမှာ ပါဝင်နေတယ်လို့ ဆိုပါတယ်။ အဆီကြောက် အသားကြောက်ကြတဲ့ခုခေတ်မှာ ကစီ သကြားပိုစားကြတဲ့ မိန်းကလေးငယ်တွေ အပျိုဖော်ဝင်တဲ့အသက်က ၁၀နှစ်အောက်ရောက်လာသလို ဓမ္မတာနဲ့ ပါတ်သက်တဲ့ ရောဂါတွေ အဖြစ်များလာတာကြောင့် ကလေးမရကြတာတွေ၊ ရေအိတ်တည်တာတွေ၊ အရွယ်မတိုင်ခင် သွေးဆုံးလက္ခဏာ ပြလာတာတွေ များပြားလှပါတယ်။ အမျိုးသမီးတွေမှာ Cholesterol လုံလုံလောက်လောက် မရတဲ့အခါ ဟော်မုန်းမညီမျှတာကနေ ရာသီမမှန်၊ သိုင်းရွိုက်ပြဿနာတွေ ဖြစ်လာတတ်ပြီး နောက်ဆက်တွဲအနေနဲ့ စိတ်ဓါတ်ကျခြင်း၊ အလွန်အကျွံစားမိခြင်း၊ အစားရှောင်ခြင်းကနေ စိတ်ရောဂါတွေအထိ ဖြစ်လာတတ်ပါတယ်။ စိတ်ဆရာဝန်က စိတ်ရောဂါအတွက် ဆေးတွေ ပေးကြမှာဖြစ်ပြီးContinue reading “အဆီ၊ အသားစားသုံးခြင်း (အမျိုးသမီး/သားကျန်းမာရေးနှင့် စားပုံစားနည်း)”

အမေရိကန်မှာ ခုနောက်ပိုင်း လူကြိုက်များလာတဲ့ စားသောက်ပုံတခုအကြောင်း ပြောပြချင်ပါတယ်။ အဲဒါကတော့ အသားနဲ့ ထောပတ်လို အဆီကောင်းကောင်းကိုပဲ စားသုံးတာပါ။ အသားဆိုတာမှာ သံဓါတ်နဲ့ အာဟာရဓါတ် အကြွယ်ဝဆုံးက အမဲသားဖြစ်ပေမယ့် အသား၊ ငါး၊ ပုဇွန်၊ ဥ၊ ပိုးကောင် အကုန်လုံး အကြုံးဝင်ပြီး အဲဒီအသားငါးတွေကို အရသာရှိဖို့ ဆားနဲ့ သောက်စရာ ရေကလွဲလို့ ဘာမှ မစားကြတာဖြစ်ပါတယ်။ အဆိုပါ High Fat Carnivore diet (HFCD)စစ်စစ်မှာ သကြား၊ အသီးအနှံ၊ အရွက်၊ အစေ့အဆံ၊ အခွံမာသီး ဘာမှ မပါဝင်ပါဘူး။ အသားဘယ်လောက်စားရမလဲဆိုတော့ အကြမ်းဖျဥ်း တနပ်ကို ၂၅-၃၀ဂရမ် ပရိုတီင်းနဲ့ အဆီ ၅၀ဂရမ်၊ တနေ့ ၃နပ် စားပေးဖို့ ဖြစ်ပါတယ်။ အဲဒီ တနပ်စာပမာဏဟာContinue reading “ကျန်းမာရေးအတွက် အမှန်တကယ်အရေးပါတဲ့အဆီနဲ့ အသားဓါတ်”

Heart attack နှလုံးဖောက်တာ ဘာကြောင့်ဖြစ်တယ်ဆိုတာကို ကြိုတင်ကာကွယ်ရေးအထူးကု Dr. Ford Brewer က ဘယ်လိုပြောထားသလဲဆိုရင် နှလုံးသွေးကြောထဲက ပျော့ပြီး ရောင်ကိုင်းနေတဲ့ ဂျိုးအပိုင်းက ရောင်ကိုင်းမှု သိပ်ဆိုးလာတဲ့အခါ မီးတောင်ပေါက်သလို ပေါက်ထွက်သွားပြီး ပြည်တွေက သွေးကြောတွေထဲ မှုတ်ထုတ်လိုက်သလို ဖြစ်သွားပါတယ်။ အဲဒီပြည်က သွေးကို သွေးခဲဖြစ်စေပြီး အဲဒီသွေးခဲတွေက သွေးကြောပိတ်လောက်တဲ့အရွယ်ဖြစ်လာတဲ့အခါ နှလုံးမှာဆို့ရင် နှလုံးဖောက်ပြီး ဦးနှောက်မှာဆို့ရင်တော့ လေဖြတ်တာဖြစ်တယ်လို့ ပြောထားပါတယ်။ လိုရင်းကတော့ နှလုံးရောဂါက ကိုလက်စထရောကြောင့်ဖြစ်ရတာမဟုတ်ပဲ ရောင်ကိုင်းမှုကြောင့် ဖြစ်ရတာဆိုတာရယ်၊ stent တွေက နှလုံးဖောက်တာကို မကာကွယ်နိုင်ဘူးဆိုတာရယ်၊ stress test လိုဟာတွေက နှလုံးဖောက်မယ် မဖောက်ဘူးဆိုတာကို ခန့်မှန်းနိုင်စွမ်းမရှိဘူးဆိုတာရယ်တွေဖြစ်ပါတယ်။ Dr. Brewer က နှလုံးရောဂါနဲ့ပတ်သက်ပြီး လူတွေအမှတ်မှားနေကြတာကို ရှင်းပြထားသလို နှလုံးမဖောက်ဖို့ ဘယ်လိုကာကွယ်ရမလဲလို့လည်းContinue reading “Heart Attack”